Þeyr frá Holtsmúla I

IS2006181110
Vindóttur bleikálóttur

Bygging: 8,06
Hæfileikar: 8,61
Aðaleinkunn: 8,39

1. Verðlaun

Hæst dæmdi vindótti stóðhestur á Íslandi með 8,39 í aðaleinkunn. Geðgóður og frjósamur íslenskur alhliða gæðingur!

Þeyr er frábær alhliða hestur sem fékk 8,33 í kynbótadómi aðeins 5 vetra gamall. Okkur hérna í Holtsmúla sem umgöngumst hann finnst kannski geðslagið hans besta hlið, en afkvæmin eru að erfa mjög mikla fótahæð og vel gerðan, léttan bol.  Hreyfingarnar eru miklar og flest velja brokk og sýna tölt.  Það á svo eftir að koma í ljós hvernig vekurðin verður, en ef þau eru eins og pabbi sinn þá valdi hann líka alltaf brokk, þurfti létta gangsetningu og svo var bara skeiðið þarna þegar það var beðið um það.   Hann hafði aldrei sýnt það óumbeðinn.  Mikil litadýrð einkennir afkvæmahópinn þar eð hesturinn gefur bæði vindótt og álótt og allar blöndur af því.  Gangtegundirnar eru hreinar og tilþrifamiklar og alltaf mikill fótaburður. 

Þeyr fór aftur í kynbótadóm 6 vetra gamall og hlaut í aðaleinkunn 8,39 og þar af heila 9,5 fyrir skeið!  Þeyr fór í sinni fyrstu og einu fimmgangskeppni í 6,60 í forkeppni og var langefstur.  Hann er afar efnilegur sporthestur í fimmgangsgreinar.  Þeyr hefur einu sinni tekið þátt í A-flokki gæðinga og hlotið þar hina frábæru einkunn 8,52.

Folöldin undan honum lofa góðu og eru nú þegar farin að gera mjög vel á folaldasýningum.  Á sýningunni hér í Hestheimum haustið 2013 voru tvær bestu merarnar dætur Þeys frá Holtsmúla.

Þeyr verður í Holtsmúla í allt sumar 2015.  Tollur kostar með allri þjónustu og VSK kr. 110.000,-

Smellið hér til að prenta út samning fyrir hryssu undir Þey frá Holtsmúla I

 

Kynbótadómur

Sköpulag Hæfileikar
Höfuð 7,5 Tölt 8,5
Háls/herðar/bógar 8,0 Brokk 8,0
Bak og lend 9,0 Skeið 9,5
Samræmi 8,5 Stökk 8,5
Fótagerð 7,5 Vilji og geðslag 9,0
Réttleiki 7,5 Fegurð í reið 8,5
Hófar 8,5 Fet 7,5
Prúðleiki 7,0 Hægt tölt 8,0
Hægt stökk 8,0
Sköpulag 8,06 Hæfileikar 8,61

Til baka Aðaleinkunn 8,39