Bygging: 7,98

Góð ræktunarhryssa til sölu

Rúm og viljug, hágeng tölthryssa til sölu undan ofurhestinum sem nú er fallinn, Orra frá Þúfu. Dimma er fylfull við snillingnum Stormi frá Leirulæk, og mætti gera ráð fyrir því að fá mikinn rýmisbanka undan þessum foreldrum. Einstakt tækifæri til að eignast Orradóttur í ræktun.

Dimma er stór og stæðileg hryssa með tölt sem bestu gangtegund þó að þar komi brokkið næst á eftir og svo er eitthvert skeið. Hún er viljug og kjörkuð, og þegar hún virkilega tekur á því er hún verulega eftirtektarverð fyrir framgöngu sína. Þar ber mest á reisingu, höfuðburði og miklum fótaburði. Því miður urðum við að láta staðar numið við byggingadóm, en eftir hálfan reiðdóm varð að láta staðar numið vegna þess að hún hafði misstigið sig í rennandi blautri brautinni. Við vorum hins vegar búin að halda henni undir hest og því útséð með frekari sýningar í bili. Við þekkjum Dimmu hins vegar mjög vel því við tömdum hana sjálf og höfum átt frá 2ja vetra aldri.  Afkvæmi Dimmu eru gjarnan mjög geðgóð, töltsöm og brokka vel.  þau eru stór, prúð og rúm.

Selt