Höttu keyptum við af þeim Níels og Jónínu á Fremri – Fitjum í Vestur Húnavatnssýslu. Þá höfðum við þegar notað hana tvisvar til undaneldis og þar að auki tamið hana á sínum tíma. Hatta er afar hágeng og tryppin erfa það í ríkum mæli. Hún er ör í lund og snaggaraleg, er klárhryssa sem er montin með sig. Hatta er ósýnd, en við þekkjum hana það vel að við erum óhrædd við að nota hana, hún er að gefa hágeng og reist klárhross eins og hún er sjálf.