Hrímnir frá Ósi er glæsihestur sem fór í frábæran dóm nýlega.  Hrímnir er frá Ósi í Eyjafjarðarsveit, en við erum afskaplega kát með þetta því móðir hans, hún Héla frá Ósi er í okkar eigu, og við eigum nú undan henni 3 afkvæmi.  Elstur er Hrímnir, þá Hreyfing, en þau eru bæði undan Aroni frá Strandarhöfði og eru með óvenju miklar hreyfingar.  Yngstur og aðeins 4 daga gamall er ónefndur undan Hnokka frá Fellskoti. 

En sá Hrímnir sem myndin er af er 5v gamall stóðhestur sem fékk 9,5 fyrir bæði tölt og brokk, og 9 fyrir stökk, vilja og fegurð í reið.  Aldeilis frábærar tölur hjá svo ungum hesti.  Hrímnir er undan Rökkva frá Hárlaugsstöðum og knapi er Agnar Þór Magnússon.

Smellið hér til að sjá fleiri myndir af Hrímni