Það er gestkvæmt hér í Holtsmúlanum og mikið um að vera.  Margir af okkar vinum vilja helst af öllu komast í sveitastörfin og djöflast "úti í náttúrunni" þannig að manni dettur helst í hug fleyg setning úr kvikmyndinni Dalalíf - "I love it" þegar sem mest gengur á.  Það sést líka á myndinni hvernig sumir eru orðnir eftir daginn, útkeyrðir!

Þarna er hann Ingi vinur okkar sofnaður með Berglindi heimasætu í fanginu.  Þeim leið mjög vel yfir sjónvarpsfréttunum, enda Ingi búinn að girða allan daginn.  Girðingin sem Álfi verður sleppt í er líka orðin nánast tilbúin, búið að girða af alla skurði og við bíðum bara eftir kappanum sem kemur í lok mánaðarins.